carmina Salisburgensia 1

Testo base di riferimento: E. Dümmler, 1884

Altre sezioni


1a.

Dicta Iuvavo fuit quondam metropolis ista,

Quam primo fundans Hrodbertus rexerat almus.

Post hunc Vitalis antistes rexit eandem;

Ipsius inde Flobargisus qui est fultus honoris.

5

Quartus Iohannes fuerat sedemque regendo.

Advena Virgilius statuens quam plurima quintus.

Multo plura gerens Arno super omnia sextus.

Septimus hinc successit Adalram pastor opimus,

Tempore namque suo statuens quam plurima pulchre.

10

Octavus veniens Liuphrammus praesul ovilis,

Officium domini renovans formosius aeque.

 

1b.

Hic locus, ut fertur, dudum Iuvavo vocatus,

      Magnus honore fuit, ut modo signa probant,

Tempore quo gentem Hrodbertus episcopus istam

      Rexerat et struxit sedis ovile sacrum hic,

5

In qua pontifices multos post rite sedentes

      Arn successit ovans rector ovile regens;

Quem Carolus, princeps regni, superauxit honore

      Archisacerdotis, dignior ut fieret;

Quem Leo papa sui veste vestivit honoris,

10

      Et privilegia dans mox solidavit eum,

Vt regionis apex ac summus episcopus esset,

      Vrbsque haec metropolis tempus in omne foret.

Huic successit Adalrammus antestis amatus,

      Quem papa Eugenius compsit honore pio.

15

Post hunc successit Liuphrammus rite sacerdos,

      Functus apostolici munere Gregorii.

Nam velut archisacerdotes in sede manentes,

      Legitime functi numine apostolico,

Plurima diversis struxerunt stemmata rebus,

20

      Vt vice quisque sua optime praevaluit,

Sic reliquos successores in sede futuros

      Talia vota simul semper habere decet.

Cunctis praeteritis patribus simul atque futuris

      Donet in arce poli gaudia magna deus,

25

Et veniam scelerum subiectis praestet eorum

      Et gaudere simul in requie iugiter.

 

2.

Hic Reginensis sedis vocitatur ab urbe,

Quam rexit primo Wicterpus episcopus ille.

Post alius, Cawipaldus qui nomine dictus.

Tertius Sigiricus erat sacratus ad aulam.

5

Post hunc iam fuerat Sindbertus in ordine quartus.

Quintus Adalwinus fuerat sedemque regendo.

Post hunc Baturicus tenuit pius optime sedem.

Erchanfredus ovans sequitur hunc pastor opimus.

 

3.

Frigisiensis enim sedis haec aula vocata est,

Corbinianus ovans quam primus rexerat almus.

Inde dei famulus Ermperhtus nomine sedit.

Tertius hinc Ioseph, praeclarus nempe magister.

5

Arpeo quartus erat doctus ac lingua modestus.

Quintus apostolicam tenuit pius Atto cathedram.

Post hunc Hitto pater sedem iam rexerat almus.

Exhinc successit Erchanperht pastor amatus.

Ecce pius sedem praesens nunc Anno gubernat.

 

4.

Pattaviensi ergo sedi est haec aula dicata,

Quam tenuit primo Vivolus iam ipse sacerdos.

Nomine post illum antistes mox rite Beatus.

Tertius est etenim Sidonius auctus honore.

5

Anthelmus quartus meritis et dogmate magnus.

Hinc Wisuricus ovans sedis conscendit honorem.

Nuper Waldricus felix vir in ordine sextus.

Nunc sedet antistes magnus ille sedis honorem.

 

5.

Haec sedis vallis Noricanae dicta Sebana,

Ingenuinus habens primo quam rexerat almus.

Mastulo secundus seditque regendo cathedram.

Post illum pastor servavit ovile Iohannes.

5

Praesul Alimus erat meritis qui et dogmate quartus.

Quintus honore sedet ille .. fultus eodem.